प्यूठान । प्रेस सेन्टर नेपालको अध्यक्षमा प्यूठानका कमल गिरी निर्वाचित हुनुभएको छ । पाँचौ राष्ट्रिय महाधिवेशनमा भएको निर्वाचनमा गिरी ३६६ मत प्राप्त गरेर अध्यक्षमा बिजयी हुनुभएको हो ।

अध्यक्षका प्रतिस्पर्धी दिपेन्द्र रावलले १७५ मत पाउनुभयो । यसअघि गिरी वरिष्ठ उपाध्यक्ष र रावल उपाध्यक्ष हुनुहुन्थ्यो ।

वरिष्ठ उपाध्यक्षमा सुरेशचन्द्र अधिकारी, महासचिव मनोज घर्ती मगर, उप-महासचिव ज्ञानप्रसाद पौडेल, खुला सचिव सुरेन्द्र चालिसे, खुला सचिव सन्तोष देउजा, महिला सचिव अन्जली थापा, समावेशी सचिव अवतार राई, कोषाध्यक्ष वसन्त गिरी बिजयी हुनुभएको छ ।